O concelleiro de Promoción Económica, David Pita, informou que as persoas interesadas en anotarse poden facelo a través da Sede Electrónica do Concello
A cuarta edición deste curso, coorganizado pola UNED e Fedepesca (Federación Nacional de Asociaciones Provinciales de Empresarios Detallistas de Pescados y Productos Congelados), contará entre o profesorado con expertos en diversas materias. Unha das novidades desta edición é que entre o contido incluiranse materias relacionadas coa dixitalización e a venda en liña de produtos pesqueiros. Os módulos abordarán temas como o funcionamento da cadea pesqueira, a seguridade alimentaria, a trazabilidade e o etiquetado, a sostibilidade, marketing e comunicación e tamén, entre outros, aspectos fiscais ou laborais, tal e como indicaron dende a organización. “É un programa moi completo, avalado pola UNED, e que consta de 400 horas que se impartirán ata o vindeiro mes de xuño, podendo obter 16 créditos”, apuntou o edil naronés.
Un total de quince persoas que cumpran os requisitos estipulados nas bases e publicados na Sede Electrónica de Narón poderán solicitar o 100% da bolsa para realizalo. “Diríxese a todos os profesionais do sector da pesca e comercialización e tamén a aquelas persoas que desexen encamiñar a súa actividade profesional cara a este sector, que é un dos pilares de Galicia”, asegurou Pita.
Para máis información sobre este curso pódese contactar co Concello, chamando ao número de teléfono 981 337 700 (extensión 1204).
Un total de quince persoas que cumpran os requisitos estipulados nas bases e publicados na Sede Electrónica de Narón poderán solicitar o 100% da bolsa para realizalo. “Diríxese a todos os profesionais do sector da pesca e comercialización e tamén a aquelas persoas que desexen encamiñar a súa actividade profesional cara a este sector, que é un dos pilares de Galicia”, asegurou Pita.
Para máis información sobre este curso pódese contactar co Concello, chamando ao número de teléfono 981 337 700 (extensión 1204).
Fonte: Concello de Narón
No hay comentarios:
Publicar un comentario